AKTUALITET, 9 Tetor 2017, 13:24

VIDEO/ Arrestohen katër hajdutët e Liqenit Artificial

TPZ

Policia e Shtetit njofton se kanë rënë në pranga, katër shtetas të cilët kryenin vjedhje te kodrat e Liqenit Artificial. Këta shtetas vidhnin kryesisht aparate të shtrenjta telefonik të markës "Apple" apo "Samsung".

VIDEO:

[video width="640" height="352" mp4="https://cdnimpuls.com/tpz.al/wp-content/uploads/2017/10/video-hajdutet-liqeni-.mp4"][/video]

Njoftimi i policisë:

Specialistët e Komisariatit të Policisë Nr.1, kanë finalizuar operacionin “Mesnata”, në kuadër të të cilit janë arrestuar shtetasit:

• E. Gj., 15 vjeç, banues në Tiranë

• K. H., 17 vjeç, banues në Tiranë.

• E.M., 16 vjeç, banues në Tiranë

• A. Gj., 18 vjeç, banues në Tiranë

Shtetasve të sipërpërmendur, iu është arritur t'i dokumentohet me prova ligjore se janë autorë të ngjarjeve të ndodhura më:

- 08.10.2017, kanë vjedhur me dhunë, aparatin telefonik të markës "IPhone 7", shtetasit L. R.

- 08.10.2017, kanë vjedhur me dhunë, aparatin telefonik të markës "Samsung S5", shtetasit K. Gj.

- 10.09.2017 , kanë vjedhur me dhunë, aparatet telefonik të markave "Samsung S7 EG" dhe "IPhone 5S", shtetasve T. H. dhe R. C.

- 14.06.2017, kanë vjedhur me dhunë, aparatin telefonik të markës "Samsung Galaxy S6", shtetases E. G.

Në kuadër të këtij operacioni është bërë e mundur gjetja dhe sekuestrimi në cilësinë e provës materiale të:

- Një "IPhone 7", në pronësi të shtetasit L. R.

- Një "Samsung S 5", në pronësi të shtetasit K. Gj.

- Një "Samsung S 7 EG", në pronësi të shtetasit T. H.

- 15 gramë lëndë e dyshuar narkotike e llojit Cannabis Sativa.

- Një krehër pistolete pa fishekë.

- Një kaçavidë me ngjyrë blu të cilën e përdornin për të bërë vjedhjet.

Materialet proceduriale do t'i kalojnë Prokurorisë pranë Gjykatës së Shkallës së Parë Tiranë për veprat penale, ‘’Vjedhje me dhunë”, e kryer në bashkëpunim dhe “Prodhim dhe mbajtje e lëndëve narkotike”, parashikuar nga nenet 139-25 dhe 283 të Kodit Penal.

TPZ.AL