TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Orët e para të mëngjesit të sotëm është raportuar për një zjarr, në depot kryesore të ushtrisë në Shkozet, Durrës.
Sipas të dhënave, ngjarja ka ndodhur rreth orës 01:00, pranë rezervave të ushtrisë, në lagjen 14.
Zjarri në një prej objekteve ushtarake të rëndësisë së veçantë, u konstatua fillimisht nga një banor i zonës, i cili menjëherë ka njoftuar rojet e repartit 4006, zona e depove për import-eksportin.
Sipas burimeve në vendngjarje, bëhet e ditur se flakët kanë përfshirë depot e veshmbathjeve të ushtrisë. Pasi në vend ka mbërritur zjarrfikësja, që mundësoi shuarjen e flakëve, mësohet për dëme të mëdha materiale.
Nga të dhënat paraprake, shkak i zjarrit dyshohet ndonjë shkëndijë elektrike brenda depos.
Hetimet mbi ngjarjen ndiqen nga policia dhe vetë ushtria, që ka në ruajtje depot e magazinimit të mallrave të kontraktuara, sikurse janë edhe veshmbathjet për repartet ushtarake. /tpz.al/
