TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Me 202 kilometër në orë.
Nuk bëhet fjalë për pilotët e Formula 1 në pistën e Monakos. Por, për shoferë shqiptarë që në gjendje të dehur tejkalojnë çdo limit dhe nuk respektojnë asnjë tabelë të qarkullimit rrugor.
Policia Rrugore e Tiranës ka ndaluar një numër të konsiderueshëm drejtues mjetesh gjatë natës mes të premtes dhe të shtunës në autostradën Durrës-Tiranë, të cilët rezultuan me shpejtësi jashtë normës së lejuar.
“Shpejtësi përtej çdo limiti. Drejtues mjetesh që nuk ju dhimbset as jeta e tyre, as e familjarëve që kishin me vete, pale e përdorueseve të tjerë të rrugës. Jeta është e shtrenjtë, mbrojeni duke respektuar rregullat e qarkullimit rrugor”, është mesazhi i Policisë i shpërndarë për mediet.
Radarët e policisë regjistruan një drejtues, i cili udhëtonte me 202 kilometra në orë, ndërkohë që në listën e të ndaluarve të efektivëve të rrugores figurojnë disa të dehur, të cilët kishin konsumuar pije alkoolike disa herë më shumë se sa parametrat e lejuar.
“Fotot që shikoni janë reale, teste të bëra me drager drejtuesve të automjeteve. Kjo masë alkooli e konsumuar është papërgjeshmëri”, është paralajmërimi i Policisë Rrugore.
Rrugët në Shqipëri janë shndërruar në vrasësit më të mëdhenj. Janë me dhjetëra viktima dhe qindra të plagosur në dy dekadat e fundit.
