Tronditet Lushnja , 2 të vrarë: Latifi dhe Hoxha, i plagosur Xhepexhiu (detajet e fundit)

(Në përditësim) - Atentat në mes të ditës! Tronditet Lushnja. Një atentat me armë zjarri ka ndodhur pasditen e sotme në qytetin e Shqipërisë së Mesme. Sipas raportimeve të mara, dy persona kanë humbur jetën, ndërsa një tjerë ka mbetur i plagosur rëndë. Ngjarja ka ndodhur pranë komisariatit, tek ‘Ura e Përroit’ në lagjen “Loni Dhamo” . Viktimat janë miq të familjes së Aldo Bare.

DY VIKTIMAT: LATIFI DHE HOXHA

Njëri prej viktimave është identifikuar si shtetasi Zamir Latifi, rreth 27 vjeç nga Lushnja ndërsa viktima e dytë është Jurgen Hoxha, 26 vjeç, nipi i njërit prej anëtareve të bandës së Aldo Bares. Nga të shtënat me armë ka mbetur i plagosur dhe pronari i lokalit, Marius Xhepexhiu, 26 vjeç, banues në Lushnjë. Nga ngjarja, sipas policisë, ka mbetur gjithashtu i dëmtuar lehtë shtetasi B.T, 66 vjeç.   [caption id="attachment_6959" align="aligncenter" width="475"] Viktima Zamir Latifi, 23 vjeç[/caption] [caption id="attachment_6967" align="aligncenter" width="457"] Viktima Jurgen Hoxha, 23 vjeç[/caption]

GJENDET NJË MAKINË E DJEGUR

Makina e gjetur në vendin e quajtur “Çukas i Vjetër”, dyshohet se është përdorur prej autorëve të vrasjes së dyfishtë në Lushnje.

FORCAT RENEA NË LUSHNJË

Pas atentatit me dy të vrarë në qendër të Lushnjës, drejtori i Policisë së Shtetit, Haki Çako ka mbledhur urgjentisht drejtuesit e policisë.  Në vendin e krimit ndodhen forcat RENEA. (d.f/TPZ.al)