TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Thomas Strakosha është shndërruar në një nga lojtarët më të rëndësishëm të Lacios aktuale. Nuk ka ditë që mediet italiane mos i kushtojnë shkrime portierit të ri shqiptar.
“Nga portier i tretë në thelbësor, Lacio është gjithmonë e më shumë në duart e Strakoshës”. Ky ishte titulli i një profili të gjatë kushtuar Strakoshës nga portali i njohur Lalaziosiamonoi.it.
“Është minuta e 43-të e pjesës së parë, Lacio sapo ka realizuar golin e 2-0 falë një shpikje të shëlqyer të Çiro Imobile. Verona provon të reagojë dhe Fosati gjuan një goditje të lirë të fuqishme. Topi duket se është i destinuar për të përfunduar paksa poshtë atje ku kryqëzohen dy shtyllat, por lojtari veronez i ka bërë llogaritë pas hanxhinj. Po, pasi Thomas Strakosha arrin ta superojë. Zgjatet dhe me dorën e djathtë e ngre topin lart dhe e largon atë përpara se të kalojë vijën e portës së tij. Një super pritje për numrin një bardhekaltër që e ka nisur me paraqitje të mëdha sezonin. Portieri shqiptar nuk është i kënaqur pas bërë një mrekulli gjatë ndeshjes, kështu thonë në fund të ndeshjes”, - shkruhet në artikullin e portalit italian.
“Thomas tani është një siguri, e ka marrë bluzën e titullarit me dëshirë dhe përqendrim. Titullar te Primavera (të rinjtë), portier i tretë te skuadra e parë, shqiptari e kërkoi fatin te Salernitana. Një vit i vështirë në Kampania, ku djaloshi i lindur në Athiën është lodhur shumë. Rikthimi në Formel dhe puna nën drejtimin e Grixhonit. Strakosha është thuajse një i tepërt, pasi përpara tij janë Marketi, Berisha dhe i porsaardhuri Vargiç. Rrethanat e sollën që ai të luajë në Milano, pasi Inzagi e preferon më shumë sesa Vargiçin. Dhe qysh atëherë Strakoha nuk del më. Lë në stol Marketin, i cili ka probleme fizike, dhe Strakosha bëhet një titullar me të gjitha të drejtat te “shqiponjat”. Tekniku e pëlqen dhe beson symbyllazi tek ai”, - vazhdon artikulli, që e konsideron Strakoshën si më të besuarin e Simone Inzagit.
“E falënderoj, duhet të vazhdojë me këtë shpirt”, - thotë Inzagi. Strakosha është i vetmi nga lojtarët e Lacios me minuta të plota në këtë fillim kampionati: 720. “Figlio d’arte”, edhe babai luante futboll dhe bënte portierin, Strakosha dëshiron të rritet dhe të përmirësohet. Rezultatet dhe paraqitjet e tij i japin të drejtë klubit dhe misterit që janë gjithmonë kanë besuar te cilësitë e tij. Lacio është në duart të shkëlqyera”, - përfundon shkrimi i Lalaziosiamonoi.it.
