TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
1 pikë në 3 ndeshje. 0 gola në 180 minuta. Vendi i fundit në renditje.
Ky është Partizani “italian” i projektuar për të fituar titullin kampion.
Por, mesa duket vitet e pritjes do të shtohen. Janë 25 të tillë. Nga sezoni 1992-1993. Trajneri i fundit që e ka fituar është Sulejman Starova.
Pikërisht, njeriun që zëvendësoi italiani Mark Juliano.
Tri ndeshjet e para treguan një Partizan tërësisht në krizë, edhe pse në “enturazhi italian” flet për një projekt që, kërkon kohë të zhvillohet dhe ka nevojë për durim .
Këshilltari i presidentit Gaz Demi, italiani Luçiano Moxhi, reagoi ashpër ndaj lojtarëve, pas paraqitjeve aspak bindëse, ku ka stonuar edhe blerja e bujshme: sulmuesi Edgar Çani, për të cilin thuhet se do të paguhet 9 mijë euro në muaj, më shumë se buxheti mujor i një klubi të kategorisë së dytë në Shqipëri.
Për të Kuqtë, që kanë fillimin më të keq në historinë 70-vjeçare të klubit, tani ka nisur numërimi mbrapsht për trajnerin Mark Juliano.
Ose, italiani do të dëshmojë se është i aftë që të menaxhojë një grup lojtarësh të blerë me bujë dhe të prodhojë rezultate, ose shkarkimi i tij është i pashmangshëm.
Dy italianët, paraardhës të tij: Andrea Agostineli dhe Adolfo Sormani e dinë mirë çdo të thotë kjo.
