TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Barazim i thatë i Vllaznisë me Luftëtarin (0-0) në një ndeshje shumëtë varfër në Gjirokastër.
Një ecuri jo mirë e shkodranëve në tri javët e para, në një moment delikat për kuqeblutë.
Çështja është financiare.
Futbollistët kanë muaj që nuk paguhen. Këtë e pranoi edhe trajneri Armando Cungu .
“Nuk është e lehtë ta bindësh një futbollist të vijë te Vllaznia. Janë larguar 12 lojtarë dhe kanë ardhur 6. Kemi mangësi. Nuk është situatë e mirë, jo për mosdashje të drejtuesve të Vllaznisë. Unë kam dalë garant për këtë pjesë. Një vonesë kaq e gjatë nuk ka bërë vaki”, – tha tekniku kuqeblu.
Të pakënaqur janë dhe futbollistët.
“Çështja e pagave është disi problem, sepse ka njerëz që duan të mbajnë familjen me ato rroga. Ne kemi pasur edhe një takim me kryetaren e bashkisë së Shkodrës dhe na ka siguruar që do të paguhemi në fund të këtij muaji”, tha mesfushori 21-vjeçar, Ardit Krymi.
Vllaznia është një klub që jeton tërësisht me fondet e Bashkisë së Shkodrës, madje kryebashkiakja Valtona Ademi është dhe presidentja e klubit më të vjetër në Shqipëri.
