TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Kryeministri Edi Rama reagoi për herë të parë pas arrestimit të Moisi Habilajt, trafikantit të arrestuar në Itali, i njohur si kushëri i ish-ministrit të Brendshëm, Saimir Tahiri.
Rama thotë se Tahiri është një person me integritet, por i kërkon organeve ligjzbatuese të kërkojnë dhe të zbulojnë të vërtetën. Rama shprehet se qeveria e re është krijuar për të mos falur askënd, që zgjedh rrugën e krimi, duke lënë të kuptohet arsyen përse Tahiri nuk është në kabinetin e tij në mandatin e dytë.
STATUSI I KRYEMINISTRIT:
“DUAM TË VËRTETËN! SA MË PARË!
Është e neveritshme dhe shokuese çka ka dalë prej bisedave të dy kriminelëve!
Saimir Tahirin e njoh prej vitesh dhe kam pasur vetëm fjalë mbështetjeje e inkurajimi për të, si person me qëllime të mira, aftësi dhe integritet.
Por Shqipëria dhe shqiptarët sot duan e meritojnë të dinë të vërtetën, vetëm të vërtetën dhe asgjë tjetër përveç të vërtetës. Prandaj të gjitha organet ligjzbatuese, duhet t’i shkojnë deri në fund e pa humbur kohë kësaj historie, për të hedhur dritë të plotë mbi faktet.
Vetë qeveria e re është krijuar për të mos falur e as toleruar këdoqoftë, që zgjedh rrugën e krimit në vend të rrugës së Shqipërisë që duam - Me shtet, punë, mirëqenie.
Asnjë luhatje. Asnjë rezervë. Asnjë dyshim: Lufta jonë me krimin do të vazhdojë në çdo ditë me edhe më shumë forcë. Deri në fund!”
