TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Partia Demokratike është ngujuar brenda Kuvendit. Kryetari Basha dhe deputetët kanë bllokuar foltoren dhe nuk largohen prej aty, derisa të rifillojë seanca në orën 18:00. Opozita kërkon që të zhvillohet debat për reformën zgjedhore, kërkesë kjo e refuzuar nga mazhoranca. Më herët kryetari i Partisë Demokratike, Lulzim Basha u përjashtua nga salla e Kuvendit për shkak të uzurpimit të foltores.
Basha ka folur për Gazetën Shqitpare për situatën e krijuar në parlament.
“Ka 2 parakushte: Reforma zgjedhore që përfshin votimin elektronik dhe mposhtja përfundimtare e krimit. Kjo qeveri ka aleancë me krimin. Tjetër, duam të krijohen kushtet të ketë liri për të zgjedhur alternativa në zgjedhje. Shqiptarët kanë votuar që të kenë libra për fëmijët e tyre me çmim stratosferike, kanë votuar të kenë pensione mizerabël? Se kështu i bie që shqiptarët me vetëdije kanë votuar dike që po i shtyn drejt largimit, drejt zbrazjes së vendit. Se po zbrazet Shqipëria. Por jo! Nuk ka ndodhur kështu, sepse vota e tyre nuk është lidhur me alternativën. Qeveria ja ka lidhur votën shqiptarëve me krimin. Pra, pa zgjidhur këtë, qëndresa do të vazhdojë me të gjitha format dhe mënyrat demokratike.” – tha Basha përmes telefonit.
/TPZ.AL/
