SPORT, 27 Nëntor 2017, 10:05

Montela thuajse i shkarkuar nga Milani, drejtuesit kanë gati Gatuzon

Vinçenco Montela është shumë pranë shkarkimit nga stoli i Mailanit. Sipas asaj që raportojnë mediet italiane, konkretisht “La Repubblica”, shoqëria kuqezi është duke menduar shumë seriozisht ndryshimin në drejtimin e skuadrës, pas barazimit me Torinon, që është i disati rezultat zhgënjyes gjatë këtij sezoni.

Tashmë duket se durimi ka sosur dhe Montela i ka orët të numëruara si trajner i kuqezinjve. Kandidati numër 1 për të marrë drejtimin e Milanit është trajneri aktual i të rinjve, Xhenaro Gatuzo.