SPORT, 21 Nëntor 2017, 14:20

Liga e Kampioneve / Kombinimet e kualifikimit në ndeshjet e sotme

Liga e Kampioneve / Kombinimet e kualifikimit në ndeshjet e  sotme

PSG, Bajern Mynih, Mançester Siti dhe Totenhem janë katër skuadrat e para që janë kualifikuar në turin tjetër të Ligës së Kampioneve. Ndërkohë janë 12 skuadra të tjera të cilat shpresojnë që këtë mesjavë të prejnë biletën e tyre.

GRUPI E

Spartak Moskë-Maribor

Sevilja-Liverpul

Renditja: Liverpul 8 pikë, Sevilja 7, Spartak Moskë 5, Maribor 1.

Liverpul mund të kualifikohet me një fitore, ose me një barazim nëse mundet Spartak Moskë.

Sevilja kualifikohet nëse fiton.

GRUPI F

Napoli-Shakhtar Donjeck

Mançester Siti-Fejenord

Renditja: Mançester Siti 12 pikë, Shakhtar Donjeck 9, Napoli 3, Fejenord 0.

Shakhtar Donjeck kualifikohet nëse nuk mundet, ose nëse mundet por arrin të sigurojë një bilanc më të mirë në duelin direkt të të dy ndeshjeve me Napolin.

GRUPI G

Beshiktash-Porto

Monako-Lajpcig

Renditja: Beshiktash 10 pikë, Porto 6, Lajpcig 4, Monako 2.

Beshiktash kualifikohet (dhe siguron vendin e parë) me një barazim. Edhe nëse mundet, kualifikohet nëse Lajpcig nuk fiton.

Porto kualifikohet nëse fiton dhe Lajpcig nuk e bën një gjë të tillë.

GRUPI H

Borusia Dortmund-Totenhem

APOEL-Real Madrid

Renditja: Totenhem 10 pikë, Real Madrid 7, Borusia Dortmund 2, APOEL 2.

Real Madrid kualifikohet nëse fiton, ose nëse barazon dhe Borusia Dortmund nuk fiton.