TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Mançester Junajtid kërkon t’u japë fund zërave për një largim të mundshëm të Zhoze Murinjos drejt PSG-së. Sipas mediave angleze, “djajtë e kuq” janë gati të plotësojnë kërkesat e teknikut sa i përket merkatos së lojtarëve, ndërsa do t’i përmirësojnë edhe rrogën atij për ta bindur që të mos i bashkohet milionerëve të PSG-së siç po përflitet gjithnjë e më shumë.
Sipas “Daily Mail”, klubi i ka bërë një ofertë të parë rinovimi trajnerit, marrëveshja e të cilit me klubin përfundon në vitin 2019. Portugezit i është kërkuar të zgjatë edhe dy vite të tjera kontratën e tij, nga e cila do të përfitojë 11 milionë euro neto në sezon.
“Oferta” përfshin edhe blerjen e katër futbollistëve të rinj për të ndërtuar një cikël fitues, emra të cilët Murinjo ia ka kërkuar klubit që në verën e këtij viti, por afrimi i të cilëve nuk u bë i mundur. Bëhet fjalë për Soler (Valencia), Forsberg (Lajpcig), Grizman (Atletiko Madrid) dhe Bejl (Real Madrid).
