TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Ish kryeministri Berisha deklaroi në Abc Neës përballë gazetares Mirela Mikori fshikulloi ambasadorët Donald Lu dhe Romana Vlahutin, për zgjedhjen e kryeprokurorit. Berisha tha se Donald Lu po shkel ato që ka thënë, për zgjedhjen e kryeprokurorit.
"Opozita kërkon që të zgjidhet kryeprokurori, që të respektohet kushtetuta. Nuk ka asnjë ligj që mund të rrëzojë kushtetutën. Çfarë po kërkon opozita? Po thotë të vijë një njeri i vettuar. Ambasadori Donald Lu bashkë me ambasadoren tjetër (Romana Vlahutin) i ka thënë mbi 1500 herë shqiptarëve vettingu, vettingu, vettingu... dhe tani po e shkelmojnë me zgjedhjen e kryeprokurorit pa vetting. Këtë e konsideroj si aktin më të rëndë të 27 viteve." - u shpreh Berisha.
Ish kryeministri deklaroi gjithashtu se Donald Lu ka dy probleme shumë të rënda me zgjedhjen e kryeprokurorit.
"Z. Lu ka dy probleme. Së pari do me çdo kusht që Adriatik Llalla të ikë shpejt, sepse Adriatik Llalla e ka akuzuar për korrupsion ambasadorin amerikan. Prokurori i shtetit ka thënë se ambasadori amerikan, ka ardhur për të kërkuar pushimin e çështjes për një korrupsion. Nuk ka ndodhur asnjëherë që prokurori i shtetit të akuzojë një ambasador. Donald Lu nuk e ka mohuar. Unë them se në këtë drejtim është në konflikt interesi.
Së dyti, Donald Lu ka kërkuar indirekt të propozojë emra konkrrete për kryeprokurorin. Pra, kjo është shumë e rëndë nëse një ambasador emëron kryeprokurorin." - shtoi më tej, Sali Berisha./TPZ.AL/
