TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Pas fjalës së Edi Ramës para grupit parlamentar të Partisë Socialiste, ku theksoi se të mërkurën ky grup do të ngrejë dorën kundër arrestimit të Saimir Tahirit, i menjëhershëm ka qenë edhe reagimi i kreut të PD-së Lulzim Bashës.
Ky i fundit i ka bërë edhe një apel BE-së dhe SHBA-ve, që të ndërhyjnë ndaj Edi Ramës, për të mbrojtur institucionet e drejtësisë.
“Saimir Tahiri duhet t’i nënshtrohet ligjit, si çdo qytetar tjetër i republikës së Shqipërisë, dhe jo të fshihet pas imunitetit të deputetit. Prej ditësh pushteti, me në krye Edi Ramën po sulmojnë hapur prokurorinë, me objektivin e vetëm, rrëzimin e drejtësisë. I bëj thirrje Bashkimit Europian dhe Shteteve të Bashkuara të Amerikës, që t’i kërkojnë Edi Ramës, t’i japë fund sulmeve ndaj sistemit të drejtësisë”, tha Basha.
