TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Analisti Andi Bushati, duke folur në studion e lajmeve të News 24, u ndal tek koncesionet dhe mardhënia e Edi Ramës me biznesmenët dhe oligarkët në vend.
Bushati u shpreh se e përfytyron qeverinë e Edi Ramës, si mbledhje rreth një tavoline me biznesmenë dhe sipërmarrës të ndryshëm, ku Rama "u hedh biznesmenëve pasuritë publike si kocka".
Bushati tha se është e vështirë që Rama të ndalë koncesionet, pavarësisht paralajmërimit të FMN-së për rrezikun e tyre. Ai shtoi se rritja ekonomike nuk mund të arrihet me projektin e famshëm "1 miliardë euro".
Bushati u ndal edhe tek deklaratat e Ambasadorit Amerikan për krimin në vend, dhe u shpreh se zoti Lu e ka patur edhe më parë informacionin për situatën e krimit, por ai zgjedh të flasë sot, ose sepse kërkon të vendosë përballë përgjegjësisë qeverinë, ose sepse kërkon t'i tregojë publikut se qeveria nuk po e bën mire punën dhe i takon ambasadës të denoncojë problemet e kriminalitetit. / TPZ.AL/
