TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Nga Jean-Arnault Dérens
Ndërsa prodhimi dhe trafikimi i kanabisit ka shpërthyer në këtë vend prej disa vitesh, Shtetet e Bashkuara dhe vendet evropiane kanë filluar të ushtrojnë presion gjithmonë e më të fortë qeverinë social-demokrate të Edi Ramës.
Shqipëria ka qenë gjithmonë e njohur për prodhimin e saj të kanabisit, por që kur Edi Rama erdhi në pushtet në vitin 2013, situata ka ndryshuar natyrë. Prodhimi, i përqendruar dikur në jug, tani po përhapet në të gjithë vendin, duke e kthyer pas bujqësinë tradicionale.
Fermerët po braktisin tokat e tyre, duke preferuar të punojnë në plantacionet, ku ata mund të fitojnë 20 euro në ditë, një pagë shumë e mirë për Shqipërinë. Ky prodhim eksportohet masivisht në Itali dhe, në një masë më të vogël në Greqi.
Jo vetëm që policia do të mbronte vetëm prodhimin, por bazat ajrore dhe detare të ushtrisë do të përdoreshin për të eksportuar drogën, paratë e të cilave do të financonin fushatat elektorale të Partisë Socialiste të Edi Rama.
"Kanabizimi" i ekonomisë
Kreu i opozitës së djathtë, Lulzim Basha, denoncon një "kanabizim" të ekonomisë, shoqërisë dhe jetës politike shqiptar, dhe fakti është se Edi Rama duket gjithnjë e më shumë i varur nga shefat e narko-trafikut. Njëzet deputetë socialistë janë dënuar në të kaluarën për trafik droge ose janë të lidhur drejtpërdrejt me të. Në fund të tetorit, kushëriri i ish-Ministrit të Brendshëm, Saimir Tahiri, u arrestua në Sicili. Prokuroria shqiptare po kërkon arrestimin e ish-ministrit, por Edi Rama dhe Partia Socialiste janë kundër saj dhe kanë refuzuar të heqin dorë nga imuniteti i tij parlamentar.
Por droga të tjera po shohin rritjen e trafikut të tyre. Gjithnjë e më shumë, heroina dhe kokaina vijnë nga Turqia nëpërmjet Maqedonisë fqinjë për t'u rieksportuar nga Shqipëria në përmasa gjithnjë e më të mëdha. Duket se klanet shqiptare të drogës po marrin tregjet e kontrolluara për një kohë të gjatë nga bandat serbe ose malazeze në të gjithë Europën.
Raporte dërrmuese
Për një kohë shumë të gjatë, ambasadat perëndimore në Tiranë kanë mbyllur sytë, megjithëse Shqipëria për disa vjet ka negociuar anëtarësimin në Bashkimin Evropian. Në të vërtetë, ata nuk duan të vënë në vështirësi Edi Ramën, i vlerësuar shumë nga prania e fjalimeve të tij proeuropiane dhe perceptuar si garant i stabilitetit të Shqipërisë dhe Ballkanit. Megjithatë, shkalla e fenomenit e bën këtë pozitë të papërshtatshme. Raportet e fundit të “Guardia di Finanza”, policia doganore italiane, janë shpërthyese, si dhe studimet më konfidenciale të kryera nga policitë dhe shërbimet sekrete të vendeve të ndryshme europiane.
Ditët e fundit, ambasadori i SHBA në Shqipëri, Donald Lu, ka ngritur tonin, duke kërkuar "rezultate konkrete" në luftën kundër krimit të organizuar, por ky mesazh nuk ka gjasa të dëgjohet. Më 30 tetor kreu i shërbimit sekret shqiptar dha dorëheqjen: njeriu nuk do të mund të duronte më presionet politike që e pengonin atë të hetonte trafikun. Gjithë pyetja është nëse kryeministri i shkëlqyer Edi Rama është ende në gjendje të shkëpusë veten nga përqafimi i rrezikshëm i qarqeve kriminale dhe baronëve të drogës.
Marrë nga Radio France International
Përgatiti /d.f/tpz.al/
