TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Një aksident i rëndë me pasojë vdekjen e një 81-vjeçari është regjistruar mbrëmjen e sotme në Durrës.
Ngjarja ka ndodhur rreth orës 19:12, në lagjen nr. 14 të qytetit, ku një automjet ka përplasur një këmbësor. Përplasja ka qenë fatale për të moshuarin, i cili nuk ka mundur t’u mbijetojë plagëve të marra dhe ka ndërruar jetë.
Në timonin e automjetit ndodhej një 26-vjeçare, e cila është shoqëruar në ambientet e Policisë për veprime të mëtejshme.
Ndërkohë, grupi hetimor, nën drejtimin e Prokurorisë, po punon për zbardhjen e plotë të rrethanave të aksidentit.
Njoftimi i policisë
Durrës/Informacion paraprak
Rreth orës 19:12, në lagjen nr. 14, Durrës, një automjet me drejtuese shtetasen K. Gj., 26 vjeçe, ka aksidentuar këmbësorin, shtetasin B. Z., 81 vjeç, i cili si pasojë e dëmtimeve të marra ka humbur jetën.
Drejtuesja e automjetit, shtetasja K. Gj., është shoqëruar në ambientet e Policisë për veprime të mëtejshme.
Grupi hetimor, nën drejtimin e Prokurorisë, vijon veprimet për sqarimin dhe dokumentimin e plotë të rrethanave të ngjarjes.
