TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Mësuesi Albano Ameti, i akuzuar për ngacmim në ambientet e shkollës, është lënë i lirë nga gjykata, e cila ka vendosur ndaj tij masën e sigurisë “Detyrim paraqitjeje”.
Vendimi do të jetë në fuqi deri në përfundim të hetimeve. Pas vendimit të gjykatës, familjarët kanë pritur me gëzim transferimin e tij.
Ameti do të hetohet në gjendje të lirë, ndërsa çështja vijon të jetë nën hetim.
Mësuesi 35-vjeçar u ndalua më 6 nëntor, pasi 7 vajza të moshave 14–17 vjeçe denoncuan se ishin ngacmuar seksualisht prej tij në ambientet e shkollës.
Në dëshmitë e dhëna në polici, vajzat kanë treguar një episod të ndodhur gjatë një ore mësimi në palestër, ku, sipas tyre, mësuesi u kishte drejtuar udhëzime të tilla si: “Drejtoni gjoksin, shpatullat drejt, këmbët bashkuar”.
Nxënëset kanë deklaruar se i kanë interpretuar këto komente si ngacmim seksual.
Nga ana tjetër, në materialin e bërë publik nuk përmenden komunikime private përmes telefonit, mesazhe apo takime individuale mes mësuesit dhe nxënëseve.
Pretendimet e bëra publike lidhen me fjalët që ai dyshohet se ka përdorur gjatë zhvillimit të orës së fizkulturës në prani të klasës.
