TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Humbja në “El Clasico” dhe forma e Barcelonës në ndeshjet e fundit kishte lënë të mendohej se Real Madrid mund të kishte probleme në rrugëtimin drejt titullit kampion.
Por skuadra e Ançelotit, pas fitores së rëndësishme në Ligën e Kampioneve ndaj Çelsit, ka marrë edhe një tjetër në kampionat duke mundur në shtëpi me shifrat 2-0 Getafen.
Në një sfidë ku në mesfushë mungonin Modriç e Kros të lënë pushim nga Ançeloti, golin e ka gjetur Kasemiro në minutën e 38 të duelit, për të zgjidhur një ndeshje të komplikuar deri në ato momente për rezistencën e rivalëve.
Kjo ia bëri më të thjeshtë Realit që të administronte lojën dhe në vijimin e duelit të gjente edhe golin e dytë me Lukas Vazkez, i cili shënoi me qetësi me të majtën, duke mbyllur praktikisht duelin në minutën e 68. Më pas Ançeloti uli në stol emrat kryesorë si Benzema, Kasemiro, Vinicus e Alaba, duke menduar për sfidën e mesjavës.
