TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Për të përfituar një azil në vendet perëndimore shqiptarët kanë gjetur mënyra nga më të pa imagjinueshmet. I tillë është rasti i një gruaje nga Shqipëria, e cila pritet të dëbohet nga SHBA-të, ku ka ndërtuar jetën prej vitit 2002.
Mediat amerikane shkruajnë se Denada Rondos është e martuar me Viron Rondos, një minoritar grek, i lindur në Shqipëri. Çifti ka thënë në mediat e huaja se grekët nuk janë të dashur në Shqipëri, ashtu si edhe ortodoksët, për të vetmin motiv përfitimin e azilit.
Vërtet që të drejtat e komuniteteve në Shqipëri dhe vendet ballkanike nuk respektohen në maksimumin e mundshëm, por kjo deklaratë është tejet e ekzagjeruar.
Vironi ka shkuar deri aty sa ka thënë se një shok të tij e kanë vrarë vetëm pse flet greqisht. Ky rast ka bërë jo pak bujë në mediat amerikane.
32-vjeçarja kishte hyrë ilegalisht në SHBA me një pasaportë të një vajze të ngjashme me të. Përgjigja për dëbim i kishte ardhur të premten. Tanimë tre fëmijët Niko, 7 vjeç , Katerina 5 vjeç, si dhe Alexandra 1 vjeç do të kthehen me nënën e tyre në Shqipëri. /Tpz.al/
