TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Banorët e komunitet rom të zonës së Mbrostarit kanë dalë ditën e sotme në protestë. Me në krye përfaqësuesit e tyre, ata kanë marshuar për 5 km nga banesat e tyre drejt Bashkisë së Fierit.
Me pankarta në duar, banorët kërkojnë që shtëpitë e tyre të furnizohen me ujë të pijshëm pasi kanë 20 vite pa ujë.
“A do të na sjellë ujë në shtëpitë tona hapja e negociatave,”- shkruhet në njërën prej pankartave.
“Jemi lënë pas dore. Të gjitha problemet që kemi duhet të marrin fund. Mungon asfaltimi i rrugëve, uji i pijshëm dhe kjo gjë sjell edhe problem të tjera.
Madje ndonjëherë fëmijët tanë kanë mbetur pa shkollë, për shkak të mungesës së ujit. Këtu po investohet në kanalet e ujërave të zeza, ndërkohë që uji i pijshëm është lënë shumë pas dore,” – thotë përfaqësuesi i protestuesve.
