TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Trajneri i Skënderbeut, Ilir Daja, pret një një Flamurtar të fortë në ndeshjen hapëse të sezonit 2017-2018.
“Jemi gati për startin e kampionatit që është edhe objektivi kryesor i klubit. Flamurtari mbetet kundërshtar i fortë, nuk kemi informacion të miaftueshëm për kundërshtarin, pasi është një ekip 90% i riformatuar. Gjithsesi ne do të imponojmë lojën tonë pasi ekipi ka dhe ritmin e duhur”, – tha trajneri i 7-herë kampionëe të Shqipërisë.
Në shtatë edicionet e fundit, Skënderbeu ka fituar gjashtë tituj kampionë dhe sekreti i suksesit ka qenë ruajtja e grupit.
““Kemi një grup që prej kohësh luan bashkë. Kondicioni fizik në gjëndje të mirë. E vetmja mungesë e konfirmuar është Osmani i cili vuan pezullimin. Pjesa tjetër do të jetë e gatshme për ndeshjen”.
Skënderbeu ishte aktiv në merkaton, ku qershia mbi tortë ishte transferimi 1 milion eurosh i Liridon Latifit te Pushkash Akademi në Hungari. Por, nga ana tjetër bardhekuqtë kanë afruar dhjetë lojtarë e ku spikat hungarezi Nespor.
“Prurjet duan kohë për tu përshtatur. Pjesa më e madhe që do të aktivizohen nesër do të jenë ata që kanë kohë në ekip dhe janë përshatur me manovrat dhe skemat e ekipit. Të gjithë do kenë shanset për të luajtur. Për afrimet kemi punuar të gjithë në klub si grup. Nespor ka cilësi të mira dhe do na sherbejë shumë në vazhdim”, – përfundoi trajneri Ilir Daja.
