TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Kryeministri Edi Rama, në rolin e një prezantuesi të zellshëm, paraqiti sot nga Parku Olimpik i Tiranës, atë që e quan “platforma për bashkëqeverisjen me qytetarët”. Ky do të jetë një portal online ku qytetarët mund të shprehin ankesat apo mendimet e tyre për punën e qeverisë. Kryeministri u kujdes të sqaronte, se portali i tij nuk ngjason me portalet e tjera online, të cilat duket se e bezdisin shumë atë.
Kryeministri e kishte mësuar përmendësh portalin dhe prezantoi çdo cep dhe rubrikë vetë. Prezantimi ishte i gjatë, madje ja kaloi edhe prezantimit të çertifikatave ditën e djshme, që dëshmon se ky portal ka një rëndësi madhore për kryeministrin.
Ai e filloi shpjegimin me dritaren e ankesave. Më pas kaloi tek dritarja me titull “Fjala ime”, që do të shërbejë për sugjerime, ide dhe propozime, se si të përmirësohet qeverisja. Kur Rama të marrë vendimet e rëndësishme të vendit, ai do të konsultohet edhe me postimet e qytetarëve. Nuk dimë deri ku do të arrijë influenca e qytetarëve në vendimet e Ramës. Përshembull, nuk dihet nëse Rama do të konsultohet me qytetarët e thjeshtë për kullat që ka vendosur të ndërtojë, apo koncesionet që po jep. Deri tani atij i mjaftonin konsultimet me oligarkët.
Rama njoftoi se në fund të portalit gjendet edhe rubrika “nota ime”, ku qytetarët mund të lënë vlerësimet e tyre. Edhe redaksia e portalit TPZ.AL, që e ndoqi me vëmendje eventin kryesor të kryeministrit për ditën e sotme, i vendos atij notën 10 për prezantimin e shkëlqyer! / TPZ.AL /
