TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Një sherr i ndodhur ditën e sotme mes edukatores dhe drejtoreshës së një kopshti në Korçë, ka degjeneruar në dhunë fizike në praninë e fëmijëve. Pas ngjarjes, edukatorja Suzana Brahimllari ka denoncuar në polici drejtoreshën Laureta Asllani, si dhe ka marrë mjekimin në spitalin e Korçës. Pas denoncimit policia ka vijuar me veprimet e saj duke shoqëruar drejtoreshën.
Ndërkohë që mësuesja merrte mjekimin në spital, një tjetër skandal ka pasuar këtë ngjarje. Shefi i Urgjencës së Spitalit të Korçës ka fyer rëndë, dhe më pas i ka nxjerrë jashtë forcërisht gazetarët të cilët kishin shkuar të takonin edukatoret e dhunuar nga drejtoresha e kopshtit.
Në pamjet e siguruara nga “BalkanWeb” shihet edhe momenti kur Shefi i Urgjencës u bërtet gazetarëve dhe i nxjerr jashtë.
Ndonëse gazetarët i kanë thënë se kanë autorizim nga drejtori i spitalit, mjeku ka kundërshtuar.
Pas kësaj, ai ka shtyrë me dhunë gazetarët e disa mediave, duke përdorur edhe fjalë fyese ndaj tyre.
