TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Barcelona ka zhvilluar një ndeshje të përkryer ndaj Atletiko Madrid.
Katalanasit fituan me rezultatin 4-2 edhe pse mbetën me dhjetë lojtarë.
Të parët që kaluan në avantazh ishin miqtë në minutën e 8-të me anë të Karasko pas një aksioni të bukur. Festa nuk zgjati shumë pasi Dani Alves asiston për Jordi Alba dhe spanjolli realizon një gol fantastik.
Në minutën e 21-të Gavi shënon një gol të bukur me kokë pas një krosi nga Adama Traore. Dy minuta para se të mbyllej pjesa e parë, Araujo e dërgon rezultatin në 3-1.
Pjesa e dytë nisi shumë mirë për Barcelonën, me Dani Alves që shënon një gol me anë të një goditjeje të fortë.
Në minutën e 58-të ishte ish-lojtari i Barcelonës, Luis Suarez i cili shënon golin për rezultatin 4-2.
Dani Alves u ndëshkua me kartonin e kuq pas një ndërhyrje të ashpër në minutën e 69-të, duke e lënë Barcelonën me dhjetë lojtarë.
Barcelona ndodhet në vendin e katërt me 38 pikë, ndërsa Atletiko Madrid në vendin e pestë me 36 pikë.
