TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Kristiano Ronaldo po përgatitet të mbyllë një sezon zhgënjyes me Mançester Junajtid, jo ashtu siç shpresonte të ishte kur firmosi me “Djajtë e kuq” në verë. Ai mendonte se skuadra do të ishte përsëri protagoniste në kampionat dhe Europë, aq sa në kontratën e tij kishte vendosur bonuse të rëndësishme financiare.
“The Sun” ka zbuluar se dështimi i Mançester Junajtid në këtë sezon, do t’i kushtojë 6 milionë euro Ronaldos, i cili nuk do të përfitojë nga këto klauzola që ka vendosur në marrëveshjen me “djajtë e kuq”.
Ai mund të fitonte 3 milionë euro nëse skuadra triumfonte në Ligën e Kampioneve, ndërsa 1,5 milionë euro do të kalonin në llogarinë e tij bankare nëse ekipi triumfonte në Premier Ligë. Ka edhe premio të tjera për trofe që Mançester Junajtid nuk do të fitojë më, që çon në 6 milionë euro totalin e bonuseve që nuk do të përfitojë Ronaldo në këtë sezon.
Ndërkaq, është një bonus që ai do të sigurojë dhe është ai i golashënuesit më të mirë të skuadrës, të cilin e ka në xhep pasi ka realizuar 18 gola, duke lënë pas me diferencë të tjerët, pasi i dyti më i mirë është Bruno Fernandes me 9 gola.
