TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Gjatë katër viteve të fundit i kishte parë shumë ftohtë prokurorët nga pozita e Ministrit të Brendshëm, por kur të paraqitet në orën 14:00 në Prokurorinë e Krimeve të Rënda, ligjvënësi Saimir Tahiri, me siguri do të dalë me mendim tjetër.
Ditën e djeshme katër oficerë të policisë gjyqësore u paraqitën tek shtëpia e ish-ministrit, për të kontrolluar rreth dy orë banesën, pas urdhërit të Prokurorisë.
Ish-ministri i Brendshëm akuzohet për trafik droge dhe korrupsion pasiv i zyrtarëve të lartë.
Deputeti Saimir Tahiri po hetohet pas përgjimeve italiane të bandës së Habilajve, ku një prej të arrestuarve në Itali ka përmendur edhe emrin e ish-ministrit të Brendshëm.
Tahiri ka pranuar që ka lidhje të largët familjare me Habilajt, por mohon përfshirjen e tij në këtë grup kriminal.
