TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Pronari i faqes së internetit “Wikileaks”, Julian Assange, njoftoi se, sipas tij, Lufta e Parë Botërore e Web-it, tashmë ka nisur në Katalonjë.
Sipas hakerit të njohur, njerëzit dhe autoritetet katalanese përdorën internetin për të organizuar referendumin për pavarësinë e rajonit, por aty ndërhyri shërbimi sekret spanjoll duke ndërprerë rrjetet e telekomunikacionit, me qëllim bllokimin e informimit të njerëzve për këtë votim.
“Lufta e Parë Botërore e ëeb-it ka nisur në Katalonjë, ku njerëzit dhe autoritetet lokale përdorën internetin për të organizuar referendumin dhe shërbimi i fshehtë spanjoll sulmoi, ndërpreu rrjetet e telekomunikacionit, mësyu në ndërtesat e kompanive telefonike, censuroi faqe dhe protokolle.” - shkroi Julian Assange në rrjetin social Twtter.
Sipas tij, “ajo që po ndodh është konflikti më i rëndësishëm mes popullit dhe shtetit, që nga rënia e Murit të Berlinit deri sot, por me metodat e vitit 2017, Vpn, proxy, biseda të koduara për të mbikqyrur dhe censuruar internetin”.
Tensionet sot në Katalonjë janë tepër të larta momentalisht. Policia ka ndërhyrë dhunshëm për të ndalur referendumin që është shpallur i paligjshëm nga Gjykata Kushtetuese e Spanjës. Sipas autoriteteve katalanase, rreth 460 persona kanë mbetur të plagosur nga sulmet e forcave speciale, të cilat gjatë ndërhyrjes raportohet të kenë qëlluar ndaj turmës me fishekë gome.
Përgatiti: TPZ.al
