TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Policia italiane shkatërron një grup të madh trafikantësh të kokainës.
39 persona u vunë në pranga gjatë aksionit të zhvilluar në zonën e Breshias, mes të cilëve 29 shqiptarë.
Mediat vendase raportojnë se kokaina sillej në Itali nga Holanda dhe Gjermania.
Gjykata dha për shumicën e të shoqëruarve masën e sigurisë “arrest me burg”, për tetë prej tyre dha “arrest shtëpie”, kurse për katër u dha masa e sigurisë “detyrim paraqitjeje në policinë gjyqësore”.
Raportohet se shqiptarët e arrestuar janë që të gjithë me precedentë penalë për trafik droge.
