TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Do të hidhet pas pak në Nion të Zvicrës shorti i Ligës së Kampioneve, teksa skuadrat e kualifikuara nga faza e grupeve mësojnë kundërshtarët.
Rregullorja pengon përballjet mes ekipeve që kanë qenë së bashku në fazën e grupeve ose që vijnë nga i njëjti shtet, ndaj do të jetë e sigurt se nuk do të ketë derbi të Madridit apo Mançesterit dhe as klasike gjermane apo spanjolle.
Për kampionët në fuqi të Realit të Madridit, ashtu si për të gjithë ekipet e vazos së parë, rreziku janë Atletiko e Madridit dhe Liverpuli, finaliste edicionit të kaluar, teksa shpresa për një short të lehtë kalon nga Gelsenkirsheni i Shalkes, apo Ajaksi i Amsterdamit dhe francezët e Olimpikut të Lionit.
Te vazoja e dytë thuajse të gjitha ekipet urojnë që shorti t’u rezervojë Porton, me portugezët që, të paktën teorikisht, duken rivali më i lehtë ndër ata që janë kualifikuar si të parë në grupet e tyre.
Juventusi është mes favoritëve, por Alegri do ta evitonte një konfrontim në shkurt me Liverpulin apo Atletikon, ndërkohë që disa ekipe nga vazoja e parë do të duan të shmangin Romën, e cila po kalon një moment negativ, por që nuk është e thënë që ai të zgjasë disa muaj.
VAZO 1
BORUSIA DORTMUND
BARCELONA
PSG
PORTO
BAJERN MYNIH
MANÇESTER SITI
REAL MADRID
JUVENTUS
VAZO 2
ATLETIKO MADRID
TOTENHEM
LIVERPUL
SHALKE 04
AJAKS
LION
ROMA
MANÇESTER JUNAJTID
PËRBALLJET:
