TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Ronald Koeman është shkarkuar nga Everton pas një forme të keqe që ka lënë klubin në vendet e fundit të renditjes së Premier League.
Trajneri holandez kishte nënshkruar një kontratë me 7 mln euro rrogë vjetore gjatë qershorit të 2016 dhe udhëhoqi Everton drejt vendit të shtatë sezonin e kaluar. Gjithsesi, pas një investimi 150 mln euro për transferime lojtarësh gjatë kësaj vere, forma e Everton ka qenë gjithmonë në rënie.
Disfata e fundit 5-2 brenda në shtëpi nga Arsenal ishte humbja e shtatë e Everton në 11 ndeshjet e fundit në të gjitha kompeticionet dhe tashmë durimi i bordit drejtues ka sosur.
Trajneri i U23 do të marrë drejtimin e skuadrës provizorisht dhe do të jetë në stol në ndeshjen ndaj Chelsea-t të mërkurën të vlefshme për Carabao Cup.
Një deklaratë për shtyp e klubit thoshte: “Everton football club mund të konfirmojë se Ronald Koeman është larguar nga klubi. Pronari, bordi dhe bashkëpronarët e tjerë e falënderojnë për punën e tij në 16 muajt e fundit dhe për arritjen e vendit të shtatë sezonin e kaluar.”
