TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Burime konfidenciale për Tpz.al, bëjnë me dije se prokuroria për Krime të Rënda ka lëshur disa urdhër- arreste për zyrtarë të lartë të Policisë së Shtetit. Siç mëson Tpz.al ata dyshohen si të përfshirë në dosjen ‘Tahiri’ për trafikun e kanabisit.
Mes emrave që pritet të arrestohen është edhe ish-drejtori i Policisë së Vlorës, Jaeld Çela, ish shefi kundër krimeve në Policinë e Vlorës, Gjergj Kohila si dhe ish drejtori i Postës së Dhërmiut, Sokol Bode. Ky i fundit është fotografuar me Moisi Habilajn. Ndërkohë Tpz.al mëson se një urdhër-arresti është lëshuar edhe ndaj ish Drejtorit të Shkodrës, Alban Çela, i cili rezulton edhe i afërt me ish Ministrin Saimir Tahiri.
Këto urdhër-arreste kanë mbërritur në polici dhe pritet ekzekutimi i tyre. Asnjëri prej tyre, deri tani nuk është arrestuar.
Prokuroria kërkon arrestim të atyre që i cilëson si bashkëpunëtorë të Tahirit në trafikun e drogës. Ish-ministri u vu nën hetim pas bërjes publike të përgjimeve nga pala italiane për dosjen ‘Habilaj’. Ndërkohë burime të mirëbesuara, thanë për Tpz.al, se janë në total 9 urdhër arreste për ish drejtues dhe policë bazë, të cilët janë implikuar në dosjen "Tahiri-Habilaj".
Në foton kryesore: Gjergj Kohila, Sokol Bode me Moisi Habilaj, Jaeld Çela
/TPZ.AL/
