TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Kryetarja e LSI-së, Monika Kryemadhi, ka marrë fjalën në konventën e LGI-së (Lëvizja e Gruas për Integrim). Kryemadhi ka folur me tone mallëngjyese, nën sfondin e një muzike që shoqëronte fjalimin e saj dhe ka recituar një poemë të Pashko Vasos.
Kryemadhi iu drejtua grave të LSI-së por edhe grave të të gjithë Shqipërisë, që të ngrihen kundër regjimit të Edi Ramës.
" Ndjej dhimbje, revoltë dhe përgjegjësi. Ndjej revoltë sepse jam nënë dhe dua që fëmijët e mij ta duan Shqipërinë dhe jo ta shohin si një vend të huaj. Dua të flas si nënë, por edhe si kryetare e LSI-së. Ne gratë kudo që jemi kemi një forcë të madhe. Sot jemi qindra dhe mijëra. Misioni im, është t’ju udhëheq ju. Të krijojmë rrethin e energjisë së zemrave të nënës. Kemi nevojë për politikën që duan njerëzit. Politikën e njerëzve të thjeshtë. Ne jemi të gjitha njësoj, LSI-ste dhe socialiste, demokrate dhe shoqëri civile, fshatare dhe pedagoge, të gjitha jemi njëlloj" u shpreh Kryemadhi.
Më pas Kryemadhi recitoi poemën e Pashko Vasës, "O moj Shqypni", moment që emocionoi dhe mallëngjeu shumë nga pjesëmarrëset në këtë takim.
Video:
/TPZ.AL/
