TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Makina tip “Benz” me ngjyrë jeshile e cila u përdor nga autorët e atentatit me një të vdekur në Vlorë rezulton e vjedhur në Gjirokastër.
Pronari i automjetit, që u gjet vetëm pak orë pas atentatit ku mbeti i vdekur Sotiraq Mhilli dhe shënjestra mbeti i plagosur, ka bërë denoncimin për vjedhjen e tij.
“Benzi” rezulton të jetë vjedhur dy ditë përpara ngjarjes në lagjen 11 Janari në qytetin e Gjirokastrës.
Atentati ndaj Eno Matës ndodhi më 27 maj rreth orës 01:10, teksa 32-vjeçari po udhëtonte me motor me shokun e tij Sotiraq Mhillin, 22-vjeç, i cili mbeti i vdekur.
Persona ende të paidentifikuar zbrazën dy kallashnikovë mbi dy të rinjtë dhe më pas u larguan me automjetin tip “Benz” ngjyrë jeshile që u gjet vetëm pa orë më vonë.
Shënjestra ishte Mata, i cili kërkohet nga drejtësia greke për vrasjen e avokatit grek Mihalesi Zafiropoulos, ngjarje e ndodhur më 12 tetor 2018, për të cilën dyshohet se u bë dhe atentati.
