TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Samueli një shtetas filipinez i cili jeton dhe punon në Shqipëri si kopshtar ka rrëfyer jetesën në vendin tonë dhe largimin nga zona islamike në Filipine.
Samueli rrëfen për Euronews se u largua nga vendlindja së bashku me bashkëshorten për arsye ekonomike dhe kushtet e vështira të jetesës. Ai shprehet se u gëzua shumë kur e telefonuan nga Shqipëria pas aplikimit për punë, e për këtë arsye do të dëshironte të merrte këtu edhe 2 fëmijët e tij që jetojnë ende në Filipine.
Ai tha se fëmijët e telefonojnë dhe e këshillojnë që të tregohet i zoti në punë në mënyrë që ata të ushqehen dhe të arsimohen.
Sipas tij ai fitonte në Filipine 150 dollarë në muaj dhe ishin të pamjaftueshme për një familje me 4 persona.
“Më morën në telefon dhe më thanë që u pranova në punë. Isha shumë i lumtur. Djali im më tha, babai tregohu i zoti në punë që ne të jetojmë. Duhet ta bëja, jam babai i familjes dhe duhet të gjeja para për të jetuar, që të jetojnë dhe të arsimohen. Ata jetojnë në Filipine me tezen time”, tha ai.
