TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Gjykata e Elbasanit ka lënë sot në burg 58-vjeçarin Tefik Tashi, i cili më 17 maj vrau kunatën e tij Alma Qevani duke e goditur disa herë me sëpatë.
Ndonëse gjatë marrjes në pyetje, autori nuk ka shfaqur pendesë për krimin makabër, në seancën e sotme ai ka deklaruar se e kreu krimin në gjaknxehtësi e sipër.
"Ndjehem i penduar për atë që kam bërë. Ishte në gjaknxehtësi e sipër”, mësohet se ka thënë Tashi.
Gjyqtarja Matilda Fetau pranoi kërkesën e Prokurores Pranvera Stafa duke e lënë në burg Tashin tre ditë pas krimit të rëndë në fshatin Kusarth të Elbasanit që tronditi vendin.
Alma Qevani, 44 vjeçe u godit për vdekje me sëpatë nga bashkëshorti i motrës së saj pas një debati banal.
Autori u pikas nga efektivët teksa vraponte me sëpatën dhe duart me gjak, në afërsi të fshatit Shirgjan dhe u arrestua.
Babai i viktimës, Fatmiri tregoi në emisionin “Me zemër të hapur” se disa ditë para ngjarjes së rëndë, kanë pasur debate të forta mes tyre.
