TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Policia e shtetit njofton se ka sekuestruar 335 kg, lëndë narkotike Marijuanë në proçes tharjeje, në fshatin Kolsh të Lezhës. Janë arrestuar 2 shtetas për kultivim të bimëve narkotike. Policia njofton se është arrestuar edhe kryetari i fshatit, për moskallzim krimi.
VIDEO:
[video width="640" height="352" mp4="https://cdnimpuls.com/tpz.al/wp-content/uploads/2017/10/video-1507712150.mp4"][/video]
Njoftimi i policisë:
Finalizohet me sukses operacioni antidrogë i koduar " Kolsh " .
Sekuestrohen 335 kg lëndë narkotike Marijuanë në proçes tharjeje.
Asgjësohen me anë të djegies 468 bimë narkotike canabis sativa.
Arrestohen 2 shtetas në flagrancë dhe shpallet 1 në kërkim të dyshuar si kultivues të bimëve narkotike dhe posedues të lëndës narkotike.
Arrestohet edhe Kryetari i Fshatit, njëkohësisht me detyrë edhe Specialist pyjor për veprat penale " Moskallzim krimi" "Shpërdorim detyre" .
Me date 10.10.2017 , nga forcat Policore të Drejtorisë Vendore Lezhë në bashkëpunim me Prokurorinë e Rrethit Gjyqësor Lezhë, pas një pune proceduriale të ndjekur, bazuar në te dhena policore, është finalizuar me sukses operacioni i koduar “Kolsh"
Si rezultat , u arrestuan në flagrancë të dyshuar si posedues të lëndës narkotike dhe kultivues të bimëve narkotike , shtetasit :
B.B 29 vjeç, banues në fshatin Lalm i Ri- Kolsh në Lezhë
A.L 32 vjeç, banues fshatin Lalm i Ri - Kolsh në Lezhë
Gjithashtu, si i dyshuar si në këtë vepër penale, u shpall në kërkim edhe shtetasi A.P. 38 vjeç, banues në fshatin Lalm - Kolsh në Lezhë.
Në lidhje me këtë rast, u arrestua në flagrancë edhe shtetasi B.P, 45 vjeç, banues në fshatin Lalm i Ri - Kolsh në Lezhë , me detyrë Specialist pyjor i fshatit dhe Kryetar i fshatit Lalm në Lezhë për veprat penale " Shpërdorim detyre" "Moskallzim krimi " parashikuar nga nenet 248/2 dhe 300 të Kodit Penal.
Këta shtetas u proçeduan pasi gjatë kontrollit të ushtruar nga forcat policore në fshatin Lalm - Kolsh në Lezhë , u gjetën dhe u sekuestruan 335 kg lëndë narkotike Mariuanë në proçes tharje si dhe u asgjësuan 468 bimë narkotike Canabis Sattiva.
Gjithashtu , gjatë kontrollit të ushtruar në banesën e shtetasit B.B, u sekuestruan 80 fara të bimës canabis sativa.
Në ngarkim të shtetasit B.B veprat penale "Prodhim dhe shitje e lëndëve narkotike" "Kultivim i bimëve narkotike" parashikuar nga nenet 283/2, 284 të Kodit Penal.
Në ngarkim të shtetasve A.L dhe A.P. veprat penale "Prodhim dhe shitje e lëndëve narkotike "Kultivim i bimëve narkotike" parashikuar nga nenet 283/2 dhe 284 të Kodit Penal.
Materialet proceduriale i kaluan Prokurorisë së Rrethit Gjyqësor Lezhë për veprime të mëtejshme.
TPZ.AL
