TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Dy familjet e fisit Bushi në Laç janë ngujuar pesë ditë pas krimit të dyfishtë që u mori jetën dy kushërinjve Jushi në Laç. Ngujimi i familjeve vjen dy ditë, pasi tre të rinjtë Markel, Manuel dhe Vinçens Bushi, u vëtedorëzuan në polici, duke pranuar vrasjen e Erjon dhe Mikel Jushit.
Familjet Bushi i druhen hakmarrjes nga ana e fisit Jushi që përcollën për në banesën e fundit dy të afërmit e tyre të vrarë.
Mbrëmjen e së dielës, më 28 prill rreth orës 20:15 në një lokal në qendër të qytetit, dy kushërinjtë Joni dhe Mikel Jushi debatuan me fjalë me Manuel Bushin.
Ky i fundit telefoni të vëllanë Markel Bushin dhe kushëririn Vinçens Bushi për t’i ardhur në ndihmë. Pasi mbërritën këta dy të fundit, 5 të rinjtë dolën jashtë lokalit, që njihet se frekuentohet nga persona me precedentë penalë, për t’u sqaruar.
Në debat e sipër 3 të rinjtë me mbiemrin Bushi nxorrën armët dhe sapo panë këtë gjë, dy kushërinjtë Jushi tentuan të largoheshin por tre autorët i ndoqën nga pas me breshëri lumbash dhe i vranë.
Markel Bushit njihet si i forti i Laçit që terrorizoi efektivët e policisë në vitin 2017. Bushi prej 7 vitesh, ishte në kërkim nga policia edhe për vjedhje, por kjo nuk e pengoi që ai të bënte një jetë normale.
Ende mbetet i paqartë motivi për krimin e dyfishtë.
