TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Ish-deputetja e Partisë Demokratike, Albana Vokshi, thotë se liria e shtypit në Shqipëri ndodhet nën kthetrat e diktatorit. Me një reagim në “Facebook”,Vokshi shprehet se 82 për qind e gazetarëve nuk kanë të ardhme në Shqipëri.
Ajo ndërkohë sulmon ashpër edhe kreun e ekzekutivit, teksa shton se, prej tij nuk kishte asnjë mesazh në Ditën Ndërkombëtare të Lirisë së Shtypit.
Sipas saj, qeverisja e Edi Ramës ka kërcënuar dhjetëra gazetarë dhe një pjesë e tyre kanë zgjedhur të largohen përfundimisht nga Shqipëria.
Postimi i Vokshit në Facebook:
3 Maj- Liria e Shtypit në Shqipëri në kthetrat e diktatorit!
Asnjë mesazh sot nga diktatori i lirisë së shtypit.
Nën qeverisjen e tij:
– dhjetëra gazetarë të larguar nga Shqipëria,
– dhjetëra të tjerë të sulmuar, kërcënuar me jetë e
të përndjekur.
– të tjerë gazetarë të paditur e kërcënuar edhe me burg nga Kryeministri vetëm pse denoncuan lidhjet e Kryeministrit Rama dhe qeverisë së tij me krimin e organizuar.
Referuar Indeksit të Lirisë së Shtypit të Reporterëve pa Kufij, mbi 80 përqind e gazetarëve në Shqipëri nuk kanë siguri për të ardhmen e tyre.
Shqipëria humbi shtatë vende dhe në raport klasifikohet problematikenpër lirinë e shtypit dhe sigurinë e gazetarëve.
Si në vendet autoritare, Kryeministri Rama, kërcënon dhe nxit dhunë ndaj gazetarëve, duke i fyer, përndjekur dhe kërcënuar me padi gjyqësore.
Sot, diktatori i medias hesht për lirinë e shtypit, sepse i ka ditët e numëruara.
Liria e shtypit, është zemra e Demokracisë.
Gazetarët në Shqipëri të mos dekurajohen, fati i diktatorëve është i njohur…!
