TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Parlamenti në Maqedoni ka miratuar paraprakisht projektligjin për zgjerimin e përdorimit zyrtar të gjuhës shqipe në të gjithë vendin
Ligjvënësit votuan 66 me 41 në favor të projektligjit, që ka për qëllim lehtësimin e komunikimit të komunitetit shqiptarë në Maqedoni, me insititucionet, komuna, spitale, gjykata.
Projektligji i propozuar duhet të kalojë më shumë lexime në legjislacion përpara se t’i dërgohet për nënshkrim presidentit, Gjorge Ivanov.
Kryeministri Zoran Zaev e premtoi këtë ligj kur formoi koalicionin me partitë shqiptare. Një veprim i tillë ka nxitur kritika nga VMRO DPMNE dhe të tjerët, që e kanë akuzuar Zaevin për tradhëti të interesave kombëtare të Maqedonisë.
Ligji i tanishëm për gjuhët, e definon gjuhën shqipe si gjuhë zyrtare, por ajo mban këtë status vetëm në vendet ku komuniteti shqiptar përbën mbi 20 për qind të popullsisë.
Shqiptarët përbëjnë një të katërtën e popullsisë së Maqedonisë, me 2.1 milionë banorë, shumica e të cilëve jetojnë në jugperëndim, afër kufirit me Kosovën dhe Shqipërinë.
