TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Italia nuk ka arritur të kualifikohet për në Botërorin “Rusi 2018” dhe ashtu siç pritej, ka sjellë furtunë në ambientin italian.
Ventura është tashmë i shkarkuar nga stoli i axurrëve, dhe mediat italiane nxjerrin menjëherë emrat e rinj, që mund të zëvendësojnë Xhan Pieron, pas kësaj paraqitje skandaloze.
Ançeloti, Alegri, Konte dhe Mançini, janë më të favorizuar, për stolin e kombëtares.
Zgjedhja duket se do të jetë e vështirë, duke parë këtë situatë aspak komode që po kalon ekipi italian, i cili kërkon një reformim të thellë, që nga rrënjët.
“Axurrët” nuk arritën të shkonin më shumë se barazimi 0-0 ndaj Suedisë në “San Siro”, duke mos e përmbysur humbjen 1-0 të ndeshjes së parë.
Edhe pse dominoi pjesën më të madhe të ndeshjes, Italia nuk krijoi shumë raste të rrezikshme.
Menjëherë pasi arbitri sinjalizoi fundin e takimit, publiku shpërtheu në vërshëllima, ndërsa lojtarët italianë në lot.
Kjo është hera e parë pas 60 vitesh që Italia nuk do të jetë pjesë e fazës finale të një Botërori, ndërsa Gianluigi Buffon nuk do të ketë mundësi të luajë Botërorin e tij të gjashtë.
