TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Kryeministri Edi Rama zhvilloi një tjetër takim propogandistik, përpara studentëve të ekselencës. Teksa në krah të tij ishte Ministrja Lindita Nikolla, për të cilën thotë se është e vetmja ministre pa asnjë titull shkencor, Rama i tha studentëve se tashmë asnjë të riu nuk i duhet “miku” apo “partia” për të hyrë në shkollë. Rama deliroi edhe më tej, pasi tha se ëndrra për të cilën kishte për arsimin, tashmë i është bërë realitet.
“Ëndrra që kisha për arsimin në fillim kur mora detyrën u bë realitet. Tani në universitet mund të hyjë kushdo që e meriton, pavarësisht emrit të babait. Matura shtetërore ishte një arritje që u mundësoi studentëve të fitojnë me meritë”- u shpreh Rama para studentëve.
Por një raport i Kontrollit të Lartë të Shtetit, i publikuar pak ditë më parë, rrëzon poshtë propogandën e shëmtuar të Ramës. Raporti vë theksin se të drejtat e maturantëve në vitin 2016 janë cënuar, pasi u bën shkelje të rënda nga Ministria e Arsimit dhe Sportit. KLSH shpjegon rastet e maturantëve me mesatare si 9.7 të mbetur jashtë auditorëve në fazat e para të aplikimit si efekti “bottleneck” (grykë shisheje). Ky efekt u krijua për shkak se maturantët ekselentë bllokuan një pjesë të mirë të degëve ku rezultuan fitues, derisa të regjistroheshin për të liruar vendet për 80 për qindëshin e mbetur pa shkollë.
KLSH vijon më tej se Matura 2016 pati kosto edhe për qytetarët, pasi aplikantët që mund të ishin pranuar në universitete publike u regjistruan pas datës limit në ato private, ku sipas vlerësimeve të KLSH, tarifat e shkollimit janë 6 deri në 10 herë më të larta. Pra, mesa duket "ëndrra" e Edi Ramës, paska qënë fuqizimi i disa oligarkëve që kanë Universitete Private, dhe jo liberalizimin e universitetet për të gjithë studentët.
Në shtator të vitit 2016, disa qindra maturantë në panik dolën të zemëruar në protestë duke tundur diplomat e tyre me mesatare të larta, të cilat nuk u kishin siguruar një vend në fakultetet e dëshiruara, pasi në fazën e parë kishin arritur të pranoheshin në universitete vetëm 20% e maturantëve./TPZ.AL/
