TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Donald Trump pritet të arrestohet në orët në vijim dhe të dalë para një gjykate në New York.
Ish presidenti u ka dërguar një email të gjithë atyre që janë në listën e tij të kontakteve, ku e quan ditën e sotme "një ditë tragjike për Republikën".
Emaili i dërguar nga ana e tij, mban titullin, "emaili im i fundit para arrestimit tim", në të cilin ai kërkon që njerëzit të "japin kontributin e tyre për të shpëtuar Amerikën" dhe përfshin një link për mbledhjen e fondeve. Ai gjithashtu shpreh shqetësimin se SHBA po bëhet një "vend marksist i botës së tretë".
Pak kohë pasi u dërgua emaili, Trump postoi një mesazh me shkronja të mëdha në Truth Social, platformën e mediave sociale që ai posedon, duke kritikuar vendndodhjen e gjykatës ku do të shfaqet në New York si një "vend i padrejtë me disa zona që votuan me 1% për Republikanët".
Trump gjithashtu quan gjyqtarin "të anshëm" dhe thotë se familja e tij janë "njerëz të njohur që urrejnë" atë.
"KANGAROO COURT!", përfundon Trump, që përkthehet si "Gjykatë kangurësh"...
Akuzat ndaj ish presidentit lidhen me një pagesë prej 130,000 dollarësh për aktoren e filmave pornografikë, Stormy Daniels, për të blerë heshtjen e saj.
