TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Një ditë pas përplasjeve në KZAZ-të e Shkodrës, kryebashkiakja e këtij qyteti Voltana Ademi nuk miraton lejen për partinë socialiste për të zhvilluar takimet elektorale.
Përmes një shkresë dërguar partisë socialiste si edhe policisë në Shkodër, Ademi shkruan se Bashkia e Shkodrës, në zbatim të dekretit të Presidentit të Republikës për anulimin e zgjedhjeve të 30 qershorit dhe në kuadër të mbarëvajtjes së sezonit turistik, nuk ka miratuar kërkesën e Partisë Socialiste për zhvillimin e një aktiviteti elektoral në Pedonalen e qytetit.
Po ashtu përmes një shkrese drejtuar policisë së qarkut Shkodër, Voltana Ademi shkruan se çdo aktivitet politik elektoral në sheshet publike të Shkodrës, konsiderohet i paligjshëm dhe për rrjedhoje Bashkia Shkodër nuk miraton leje për asnjë subjekt politik.
