TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
“Ekzistojnë prova të besueshme që meritojnë hetime të mëtejshme për një përfshirje të mundshme të princit të kurorës Saudite Mohammed bin Salman në vrasjen e gazetarit disident Jamal Khashoggi brenda ambienteve të konsullatës së Arabisë Saudite në Stamboll”, kështu shprehet një raport prej 101 faqesh i ekspertëve të OKB-së për të drejtat e njeriut që hetojnë rastin.
Hetuesit e OKB-së kanë gjetur dëshmi të besueshme të përgjegjësisë saudite të nivelit të lartë për vrasjen e përshkruar si “të paramenduar” në tetorin e vitit të kaluar. Hetimet bazohen në të dhënat mjedisore që do të hedhin dritë mbi momentet e fundit të jetës së gazetarit.
“59-vjeçarit Jamal Khashoggi mund t’i jetë dhënë një dozë qetësuese para se të mbytej me një qese plastike”, thuhet në përfundimin e hetimeve të kryera nga Hetuesit e OKB.
Raporti thotë gjithashtu se:
“Rreth tetë muaj pas ekzekutimit të Khashoggi, përcaktimi dhe caktimi i përgjegjësive individuale mbetet i fshehur nga sekreti dhe mungesa e një procesi të drejtë”.