TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Mazhoranca ka kaluar me procedurë të përshpejtuar futjen në kalendar të pr.ligjit për t’i hapur rrugë shembjes dhe ndërtimit të Teatrit të Ri, pavarësisht se opozita në Kuvend e ka kundërshtuar.
Futja në kalendar e pr.ligjit u votua me 74 vota pro dhe 44 kundër dhe më pas kreu i Kuvendit, Gramoz Ruci njoftoi mbylljen e seancës plenare për sot.
Kreu i PD, Lulzim Basha tha se qeveria duhet të tërhiqet nga kjo masakër sociale, madje ironizoi edhe me Toyota Yaris apo thithje me hundë.
“Tërhiqeni urgjentisht nga rendi i ditës ligjin që i vë minat Teatrit Kombëtar. Thirrini mendjes, rendi i ditës ka mbaruar. Ligjërisht mund ta sillni seancën tjetër, moralisht nuk duhet ta sillni më, s’ka asnjë urgjencë për t’i vënë minat teatrit përveç kaparit që keni marrë. E keni thith me hundë apo e keni marrë me Toyota Yaris vetëm tërhiquni nga teatri, s’ka rëndësi me çfarë e keni marrë, por tërhiquni se po i vini minat paqes sociale në vend”- tha Basha.
Kujtojmë se pak ditë më parë kreu i bashkisë së Tiranës, Erion Veliaj njoftoi se kishte arritur marrëveshjen me artistët për çështjen e Teatrit dhe ndërtimin e një teatri të ri në territorin e atij ekzistues.
