TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Gjatë takimit të ministrave të brendshëm të vendeve të Ballkanit, nuk u diskutua ndonjë iniciativë për krijimin e kampeve të refugjatëve në Shqipëri apo në vende të tjera, shkruan agjencia italiane Nova.
Sipas saj, kjo u konfirmua nga Komisioneri i BE-së për Migracionin dhe Çështjet e Brendshme, Dimitris Avramopoulos, duke iu përgjigjur pyetjeve të shtypit pas takimit.
"Asnjë iniciativë e tillë - tha ai – nuk u diskutua sot në Bruksel, me Shqipërinë apo vende të tjera. Ne diskutuam, se si të trajtojmë më mirë imigracionin e parregullt së bashku, duke përmirësuar masat ekzistuese operacionale”.
Përballimi i migracionit të parregullt është një shqetësim evropian, por edhe një kombëtar.
“Rajoni i Ballkanit Perëndimor - tha ai - është një nga partnerët më të fuqishëm për të trajtuar këtë problem”.
Duke iu përgjigjur një pyetjeje mbi hipotezën e krijimit të kampeve të refugjatëve në Ballkan, Avramopulos tha se "nëse ka një propozim, do të flasim për të. Ende nuk ka një propozim shumë konkret" tha ai.
/TPZ.AL/
