TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Niko Uilliams ishte një nga emrat që qarkulloi më shumë këtë merkato, për një transferim të mundshëm te Barcelona. Por në fund, futbollisti vendosi të qëndrojë te Atletik Bilbao dhe për këtë çështje ka folur kapiteni që është njëkohësisht vëllai i tij më i madh, Injaki.
“Ishte pak e komplikuar në nivel familjar, sepse u fol shumë për vëllain tim dhe shumë nga gjërat e thënë për Nikon janë të rreme. E vetmja gjë që bëri ishte të heshtte. Të gjithë kanë të drejtë të reflektojnë mbi të ardhmen e tyre. Në shumë momente këtë verë, njerëzit nuk ishin të drejtë me vëllain tim. Kur dikush shkon në një restorant dhe i sjell një menu, ndonjëherë i duhen minuta për të zgjedhur. Vendimi i vëllait tim nuk ishte i lehtë. Pjekuria e Nikos ishte e pabesueshme. Ai kishte kaq shumë mundësi para tij dhe zgjodhi Atletik, një klub që po bën përparime të mëdha dhe që sot ka një nga skuadrat më të mira që kur unë kam qenë në ekipin e parë, që është 12 vjet. Niko ishte në gjendje të zgjidhte sepse kishte kaq shumë oferta; kaq shumë klube ishin të interesuara për të, sepse ai është një lojtar i klasit të lartë me një klauzolë që mund të ishte e qëndrueshme. Ishte një mundësi e vërtetë për ekipet e mëdha”, deklaroi ai në një konferencë për shtyp.
