TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Është ende futboll vere, por në shtëpinë kuqezi tingëllon tashmë një muzikë ndryshe. Me ardhjen e trajnerit Masimiliano Alegri, te Milani duken qartë shenjat e një fryme të re. Dhe pikërisht në këtë fillim premtues, tifozët, të cilët kanë reaguar pozitivisht që në fazën e parë të fushatës së abonimeve, janë entuziazmuar sidomos nga paraqitja e Rafa Leaos kundër Liverpulit.
Sulmuesi portugez, më në fund i ftohtë dhe i saktë para porte, ka luajtur si një qendërsulmues i mirëfilltë, duke shpërthyer në kundërsulme të shpejta dhe efikase, një tipar kyç i “Milanit të ri” të Alegrit. Një skuadër që ndërton lojën nga mbrojtja, shfrytëzon vështirësitë dhe shpërthen në momentin e duhur, një filozofi që mund të funksionojë në mënyrë perfekte kundër skuadrave që preferojnë të luajnë me topin. Megjithatë, Alegri është i vetëdijshëm se shumë skuadra do të mbrohen fort në “San Siro”, ndaj po mendon edhe për një plan B.
Në këtë drejtim, afrimi i mesfushorit Ardon Jashari dhe një qendërsulmuesi të mirëfilltë shihet si një hap i domosdoshëm për të ndërtuar një skuadër më të ekuilibruar dhe të gjithanshme. “Futbolli është i thjeshtë”, përsërit shpesh trajneri nga Livorno dhe deri diku ka të drejtë. Në fund, gjithçka varet nga individët. Dhe teksa shohim Leaon të përshtatur kaq shpejt në projektin e ri teknik, fansat kanë arsye për të qenë optimistë. Alegri, të paktën për momentin, duket se ka gjetur çelësin për të motivuar yllin portugez, i cili duket i mahnitur nga autoriteti dhe e kaluara fituese e teknikut italian.
