TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Sauthemptoni do të kërkojë të marrë minimumi një pikë në ndeshjen ndaj Arsenalit, në takimin për Premier League.
Trajneri i Sauthemptoni, Ralf Hasenhuttl ka folur për mediet, në prag të këtij 90 minutëshi. Tekniku austriak nuk la pa përmendur edhe futbollistë të veçantë siç është Armando Broja.
Hasenhuttl u pyet edhe për të ardhmen e 20-vjeçarit, pasi kartoni i tij zotërohet nga Çelsi.
“Broja në nivelin e tij më të mirë është padyshim një lojtar që mund të na ndihmojë, por është e rëndësishme që ai të gjejë rrugën te paraqitjet e tij më të mira dhe kjo është shpresa për fundjavën.
E ardhmja? Ne jemi duke diskutuar këtë temë për momentin, por të gjithë e dimë situatën në Çelsi, kështu që nuk është e lehtë të gjesh personin e duhur për të folur për të ardhmen. Sa më lart të përfundojmë në tabelë, aq më tërheqës jemi për lojtarët” – tha ai.
Sulmuesi shqiptar nuk po kalon një periudhë të mirë. Ai ka disa javë që nuk ka gjetur rrugën e rrjetës, çka ka shqetësuar jo pak yllin kuqezi.
